بنت ترغب في الزواج 1

من طرف **admin** الجمعة يناير 09, 2009 1:15 am

دي حكايات لبنت عايزة تتزوج...بتحكي عن نفسها والبنات الحولها
حاحكيها ليكم في شكل حلقات يومية.. وهذه الحكايات حاتكون علي لسان
هذه البنت التي ترغب في الزواج...حكايات مثيرة...مضحكة...ممتعة..
مسلية وجميلة...فتعالوا وتخيلوا معي هذه الحكايات التي تعكس واقع
المجتمع الذي نعيش فيه.
البداية:

سموا كده وخليكم معايا واحدة واحدة...خلينا نتفق الاول ان موضوع الزواج والعرسان
وتاخر الجواز ده موضوع حساس جدآ...وصعب جدا انكم تلاقوا زول بيتكلم فيه بصراحة..
خصوصا بالنسبة للبنات...لان اللي بتتكلم فيه بصراحة اما الناس تنظر لها انها قليلة
الادب...او متسرعة علي الزواج..او انها بارت وما لاقية حد يتزوجها..عشان كده بتلاقوا
بنات كتير بيقولوا:

- زواج ايه بلا نيلة...يعني هم الاتزوجوا كانوا اخدوا ايه...

- انا قاعدة في بيت ابوي معززة مكرمة..ايه اللي يخليني اروح اتبهدل مع زول ما بعرفه؟!

- انا ما بفكر في الزواج حسه...لما ابني مستقبلي!

والجملة المستهلكة في كل المسلسلات العربية:

- لما احقق زاتي!

مش عارفة ايه زاتها دي وتحققها كيف يعني؟!

يمكن فيه بنات كتير ليهم طموح في دراستهم وفي شغلهم...لكن اتحدي انو اي واحدة فيهم ما
يكون طموحها الاول انها تبقي زوجة..علي الاقل لان دي الطريقة الوحيدة اللي تخليها تبقي ام.
الرجال بقوا شايفين نفسهم حبتين...وتلقا الراجل قاعد هو وامه يتشرطوا في اهل العروس...

لا والافراح بقت نكتة...زمان كنا نشوف في الافلام العربية اي بنت تدخل بيت عرس وهي لابسة شيك كده شوية...يتلموا عليها الشبان ويكونوا عايزين ياكلوها...وما تخرج من العرس الا بعريس...حسه نفس التجمعات بس بالعكس...تلقي كل ام قاعدة هي وبناتها مراقبين الشباب...ويا ويله اللي يمر بجنبهم.

- طارق..ازيك يا ولد...مش تجي تسلم علي بنات خالتك...شوف بقوا حلوات كيف؟

- انا مش طارق يا خالتو...وانا متهيا لي كده انك ما خالتي.

صحيح؟ معليش يا حبيبي...العتب علي النظر...طيب ما تعرفنا علي نفسك كده...يمكن ربنا بيحبك ويبقي ليك نصيب معانا.

طبعا الولد يا اما يجري...او واحد من اصحابه ياخذ باله من الفخ اللي وقع فيه...ويجي ينقذه علي اساس انو في زول عايزه وكده
طبعا ده غير اللف اللي بيقعدوا البنات يلفوه حوالين العروسة عشان يبقوا واضحين
لكل اللي في القاعة من كل الجهات...ولما بيقيف اللف....تلاقيهم بيزقوا في بعض
او يعملوا انهم بيعدلوا للعروسة فستانها او طرحتها عشان يطلعوا في الفيديو...
ويحاولوا يطلعوا في اكبر عدد ممكن من الصور..يمكن يعجبوا احد ويتكل علي الله
وينتشلهم من عالم الآنسات.
الكلام ده علي فكرة مش المفروض تسخروا منه..والله البنات ديل غلابة...زمان ما كان مطلوب من اي بنت غير انها تحترم نفسها وتقعد في بيت ابوها وتستني العدل اللي بيكون في الغالب من اختيار اهلها.

الآن...الكورة اصبحت في ملعب البنات...يعني لازم تخرج وتشتغل وتروح افراح وتزور صحباتها...لان مسؤلية احضار العريس اصبحت ملقاة علي عاتقها بالكامل.

انا اعرف حالات كثيرة...اهل البنات بتخانقوا معاهم خناقات لرب السما عشان يخرجوا ويشتغلوا او عمرهم ما حايتزوجوا...ومن جهة اخري...المجتمع في حالات كثيرة لا يرحم اي بنت تخرج مع راجل عشان تتعرف عليه ويمكن اكون فيه نصيب...بيد ان الراجل نفسه في الغالب لا يرضي بها...ويقولك عايز واحدة خام..لا خرجت ولا اتكلمت مع واحد غيري.

طيب بزمتكم البنات يعملوا ايه؟؟... ده غير العداد اللي بيعد من اول ما تتخرج البنت من الجامعة...يعني البنت تعتبر بدأت تعنس من اول ما يتعدي عليها سنتين او تلاتة متخرجة ولسه ما اتخطبت.

انا شخصيا بدات احس اني حاعنس من اول ما كملت 23 سنة...طيب نعمل ايه؟!

بصراحة المجتمع المنيل اللي احنا عايشين فيه واللي بيقيم البنت بزواجها..واللي تتزوج بسرعة تبقي شاطرة..واللي تتاخر يبقي فيها عيب..ومن الجهة الثانية الراجل من حقه ينقي ويتشرط ويبقي مقطع السمكة وديلها ويتقال عليه مفتح ومدقدق...ويبقي متعدي الاربعين ومن حقه يتزوج في اي وقت يشاء حتي لو واحدة عمرها 18 سنة.

المجتمع ده ظااااااااالم و مفتري!!!

لذلك انا قررت اكتب في الموضوع واشرحه من كل جوانبه الممكنة عشان اللي ما فاهم يفهم...والما عارف يعرف..ان البنات غلابة والضغط عليهم بيزيد كل يوم والناس بتحاكمهم علي حاجة ليس لهن يد فيها.

خليكم معاي عشان احكي ليكم العجب عشان تعرفوا اللي احنا بنستحمله.
نتابع